haradok.info

Інфармацыйны партал

Сацыяльныя сеткі:

Навіны Гарадка Палітыка

27.07.2012 18:50

4030 праглядаў

0 каментароў

Збор подпісаў пад бел-чырвона-белым сцягам на цэнтральнай плошчы Гарадка (фотарэпартаж)

Леанід Аўтухоў, старшыня Гарадоцкай суполкі Партыі БНФ, прэтэндэнт на кандыдата ў дэпутаты Палаты прадстаўнікоў па Віцебскай сельскай акрузе 27 ліпеня правёў збор подпісаў на цэнтральнай плошчы Гарадка пад бел-чырвона-белым сцягам. Збор подпісаў быў прысвечаны Дню прыняцця Дэкларацыі аб суверэнітэце

Менавіта тут тры гады назад адбыўся пікет з бел-чырвона-белымі сцягамі з нагоды падпісання Дэкларацыі аб дзяржаўным суверэнітэце, які правёў спадар Аўтухоў з аднадумцамі. За гэту акцыю ў 2009 годзе актывіст атрымаў штраф у дзесяць базавых велічынь, што прывяло да канфіскацыі яго маёмасці.

Пікетаванне з мэтай збору подпісаў Аўтухоў правёў у месцы, якое не забаронена рашэннем Гарадоцкага райвыканкама. Адлегласць да воінскага мемарыяла і пракуратуры была больш 50 метраў. Пра гэта прэтэндэнт тлумачыў супрацоўнікам міліцыі і ідэалагічнага аддзела Гарадоцкага райвыканкама, якія адразу завіталі да пікетоўшчыка. У далейшым збор подпісаў праходзіў пад наглядам амаль сямі дзяржаўных супрацоўнікаў, якія на адлегласці назіралі за акцыяй.

Крэатыўным было запрашэнне на пікет мясцовага музыкі, які найграваў папулярныя мелодыі: ад вясёлых качанят да «Развітанне з Радзімай» Міхася Агінскага, а выбарцы ставілі подпісы за вылучэнне Лявона Аўтухова кандыдатам у дэпутаты.

Акрамя бел-чырвона-белага сцяга на пікеце прысутнічаў дэвіз выбарчай кампаніі дэмакратычнага актывіста: «Беларусь — не карыта для чыноўнікаў. Беларусь — краіна для народа!». Гэта гучыць амаль як славуты заклік Кастуся Каліноўскага: «Не народ для улады, а ўлада для народа».

Збор подпісаў праходзіў на вялікай спякоце, якія прыйшла 27 ліпеня ў Гарадок. Выбаршчыкаў з пашпартамі ў гэтую спёку было не шмат, але за час пікетавання было сабрана больш дваццаці подпісаў.

Пад час збору подпісаў — пад бел-чырвона-белым сцягам
Л. Гаравы

Апошнія навіны