haradok.info

Информационный портал

Социальные сети:

Новости Городка Культура

27.05.2017 21:12

2460 просмотров

0 комментариев

У Гарадку адбылося чарговае свята народнай творчасці, беларускай паэзіі і фальклору «Гарадоцкі Парнас». Фотарэпартаж

Сёння ў цэнтры Гарадка адзначалі чарговы — дзевяты — раз свята «Гарадоцкі Парнас», якое прысвечана нашаму знакамітаму земляку Канстанціну Вераніцыну — аўтару няўміручай паэмы «Тарас на Парнасе».

Па традыцыі апошніх гадоў свята паэзіі распачынаецца каля помніка паэмы «Тарас на Парнасе» ў цэнтральным скверы райцэнтра. Гасцінныя гаспадары свята роаспачалі яго з вітання караваямі 16 калектываў мастацкай самадзейнасці, якія прыехалі ў Гарадок не толькі з Гарадоччыны, але і з розных куткоў Віцебшчыны і Расійскай Федэрацыі на свята «Гарадоцкі Парнас».

Пасля гэтага ад помніка паэме ў велапрабег накіраваліся роварысты па маршруту «Сцежкамі Тараса», які пралягае і праз Радзіму Канстанціна Вераніцына в. Астраўляны.

Шанаванне славутай паэмы працягнулі навучэнцы і выкладчыкі Гарадоцкага аграна-тэхнічнага каледжа, якія зладзілі акцыю «Чытаем паэму разам».

Потым асноўныя дзеі перамясцілі ад помніка ў дзіцячы парк, дзе адбылося адкрыццё свята з падняццем яго сцяга. І варта адзначыць, што упершыню арганізатары свята паступілі правільна даручыўшы падняць сцяг кіраўніку раёна Пятру Карабачу і нашаму вядомаму земляку, паэту Уладзіміру Скарынкіну.

Па традыцыі на канцэртнай пляцоўцы адбыўся святочны канцэрт з удзелам артыстаў як Гарадоччыны, так і артыстаў з аграгарадкоў Віцебшчыны.

Жыхары і госці Гарадка мелі магчымасць пабачыць панадворкі ўсіх сельсаветаў Гарадоччыны, гандлёвыя рады Дома рамёстваў, прадпрыемстваў і арганізацый Гарадка.

Суботняе сонечнае надвор’е спрыяла святу, якое стала традыцыйным і будзе далей рыхтавацца да свайго юбілейнага 10 раза.

Леанід Гаравы, фота аўтара.

Последние новости