haradok.info

Информационный портал

Социальные сети:

Новости Городка Культура

01.11.2017 18:11

2900 просмотров

0 комментариев

У Гарадоцкім раёне выяўлены «Містэр Дасканаласць» і вызначаны намінанты іншых тытулаў

29 кастрычніка на базе Пальмінскага сельскага Дома культуры адбыўся раённы конкурс «Містэр Дасканаласць — 2017», арганізатарамі якога выступіў ДУК «Цэнтр традыцыйнай культуры і народнай творчасці Гарадоцкага раёна». Мэта конкурсу заключалася ў развіцці творчага і духоўна-маральнага патэнцыялу моладзі, фарміраванні індывідуальнага іміджу сучаснага маладога мужчыны, уменню пазіцыянаваць сябе і годна прадстаўляць свой горад ці вёску.

У конкурсе прынялі ўдзел пяць выдатных мужчын, якія змагаліся за запаветны тытул, праходзячы выпрабаванні. Адкрыла конкурс дэфіле «Містэр — Х», у якім удзельнікі выступілі ў класічных чорных касцюмах, а затым прадставілі сябе «візітнай карткай», у якой распавялі пра сябе, свае захапленні і інтарэсы.

Далей гледачы любаваліся прыгожым дэфіле ў нацыянальных касцюмах з дзяўчатамі, што падвяло да конкурсу «Містэр Патрыёт», у якім было неабходна ў любым мастацкім жанры прадставіць свой горад, сельскую глыбінку, прафесію або тое, да чаго удзельнік выказвае свае патрыятычныя пачуцці.

Наступны конкурс праграмы называўся «Містэр — Галівудская зорка». Перад канкурсантамі стаяла задача выканаць ролю героя з вядомай п’есы, літаратурнага твора, вядомага фільма ці мультфільма. Гледачы ўбачылі на сцэне пацешнага Карлсана, былі згуляныя урыўкі з вядомых фільмаў «З каханымі не раставайцеся», «Добры дзень, я ваша цётка», «Дзяўчаты» і «Службовы раман».

У конкурсе «Містэр Абаронца» удзельнікі пераапраналіся ў ваенную форму за адведзены час, а пасля паказвалі сваю мужнасць і адвагу ў танцавальнай кампазіцыі з аўтаматамі.

Завяршыў праграму конкурс «Містэр Крэатыў». Гэта творчае заданне раскрывала хобі і захапленні нашых канкурсантаў.

Пераможцам у нялёгкай барацьбе стаў Вадзім Гайковіч, які прадстаўляў ДЛГУ «Гарадоцкі лясгас».

Тытулы «Віцэ-Містэр Дасканаласць» заваявалі Стас Протас — ГДАТК і Дзмітрый Булдакоў — Пальмінскі СДК.

Тытул «Містэр Крэатыў» атрымаў Дзяніс Давыдзенка, які прадстаўляў РКП «Цэнтр утылізацыі авіяцыйных сродкаў паражэння» і тытул «Містэр — Х» журы прысвоіла Віктару Самозванову з ГДАТК.

Конкурс «Містэр Дасканаласць — 2017» атрымаўся сапраўды яркім і феерычным шоў!

Яна Маркіянава, метадыст ДУК «Цэнтр традыцыйнай культуры і народнай творчасці Гарадоцкага раёна».

Паводле: http://gorodok.vitebsk-region.gov.by

Последние новости

Комментарии посетителей

Имя: не обязательно
E-mail: не обязательно
Комментарий:
  • список комментариев пуст