haradok.info

Информационный портал

Социальные сети:

Новости Городка Культура

26.01.2022 14:45

407 просмотров

0 комментариев

Свята народнага каляндара Каляды правялі клубныя ўстановы ў вёсках Гарадоцкага раёна. Фота

Свята народнага каляндара Каляды правялі клубныя установы, што з’яўляюцца філіяламі Цэнтра традыцыйнай культуры і народнай творчасці. Усяго адбылося 15 свят Каляды з 6 па 18 студзеня гэтага году ў вёсках Гарадоцкага раёна.

Гурты калядоўшчыкаў парадавалі аднавяскоўцаў, да якіх завіталі ў госці, вясёлымі каляднымі прадстаўленнямі, з удзелам традыцыйных персанажаў, песнямі, святочнымі віншаваннямі ды шчырымі пажаданнямі. Гэта адбылося ў вёсках дзе працуюць сельскія Дамы культуры: Верамееўскі, Вархоўскі, Бычыхінскі, Віраўлянскі, Межанскі, Дуброўскі, Пальмінскі, Кабішчанскі.

Таксама ўдзельнікі народнага фальклорнага калектыва «Глейна» і творчага калектыва сектара «Аўтаклуб» наведалі вёскі Халамер’е і Льнозавод з фальклорнай каляднай праграмай «Казу вядзём, шчасця нясём».

Правядзенне калядавання на сакавітай беларускай мове засведчыла, што народная беларуская культура яшчэ жыве ў вёсках Гарадоцкага раёна, дзякуючы найперш установам культуры.

Л. Антонаў

Паводле інфо: http://haradoktour.by

Фота больш тут: https://vk.com

Последние новости