З 3 студзеня магчыма назіраць высокі узровень вады ў Гаражанке, якая выйшла з берагоў, як па вясне.
Адразу стаў паралізаваны рух праз пешаходны мост на вуліцу Зарэчанскую. Гэта мост бурлівай вадой амаль скрыты па поручні.
А разліў Гаражанкі тут нагадвае шырыну Дзвіны ў Віцебску.
Другім закрытым пешаходным мастом стаў пераход да СШ № 2 г. Гарадка. Добра, што зараз канікулы і яшчэ не трэба рухацца ў школу.
Шматлікія качкі, вымушаны быць на беразе, пакуль рака бурліва нясе свае воды ў Лугавое возера.
Пешаходны мост яшчэ бачны, але яго мо і далей будзе хаваць вада.
Надыходзячыя марозы могуць скаваць раку зусім нечакана. Так, як ніколі не бывала па вясне.
Л. Антонаў
