У сераду 4 студзеня зімовы, як па вясне, разліў Усысы ў Гарадку працягваўся. Наш рэпартаж быў бы не поўны, калі б не паведамілі чытачам пра сітуацыю на пачатку вуліцы Галіцкага, дзе цячэ Усыса.

Да рэкорднага разліву Усысы, калі ў ранейшыя часы на вуліцы Стараневельскай, вада даходзіла да месца, дзе раней быў ганчарны цэх, справа не дайшла. Але ў бок ганчарнага цэху вада пайшла.

Ды і на самой вуліцы Галіцкага вада заліла метраў 200, што бачны толькі электрычныя слупы.

Таксама каля дома Галіцкага 3-а Гаражанка ўтварыла невялікія выспы каля берагу, дзе бачны стадыён.

Ды і далей каля гэтага дому ўтвораны выспы каля хляўчукоў, што за межамі дротавага плота.

Але гэтыя разлівы ракі не перашкаджаюць аўтааматарам, каму трэба дабірацца карацейшым шляхам у цэнтр, праз былую каменку. Знак забароны праезду дзейнічае, але калі трэба, то і магчыма скараціць шлях з цэнтру або ў цэнтр. Асабліва, калі жывёце ў мікрараёне вуліцы Галіцкага.

Што датычна рамонта маста, то пакуль на гэты год запланавана складанне толькі праекту рамонту. А сам рамонт запланавалі на 2024 год і ніякі Дзень пісьменства пакуль рамонт не наблізіць.

Л. Антонаў