haradok.info

Информационный портал

Социальные сети:

Новости Городка Общество

03.05.2018 07:49

1040 просмотров

2 комментария

«Качанава крычала, пасля выбачалася» — маці асуджаных за наркотыкі распавялі пра сустрэчу з чыноўнікамі

2 мая ў Адміністрацыі прэзідэнта сямёра жанчын, чыіх дзяцей асудзілі за наркотыкі, сустрэліся з Наталляй Качанавай. Жанчын запрасілі прыехаць з Калінкавіч у Мінск пасля таго, як яны абвясцілі галадоўку 27 красавіка.

Сустрэча з Качанавай працягвалася больш за 2 гадзіны. Акрамя Качанавай прысутнічалі яе намеснікі Валеры Міцкевіч і Уладзімір Жаўняк, а таксама начальнік ідэалагічнага ўпраўлення Адміністрацыі прэзідэнта Аляксандр Ільясевіч.

Журналістаў на яе не пусцілі.

Агулам падтрымаць галадаючых прыйшлі каля 40 чалавек. Шмат у каго з іх дзеці таксама адбываюць тэрміны за наркотыкі.

У чаканні сябровак жанчыны, якія засталіся пад будынкам Адміністрацыі, памаліліся за сваіх дзяцей і чыноўнікаў: «Хай бог змягчыць сэрцы начальству, усім людзям у гэтай адміністрацыі. Мы бласлаўляем усіх, хто тут сядзіць каб яны працавалі на карысць народа, як гасподзь іх паставіў».

Галадаючыя маці выйшлі няхутка, некаторыя — ў слязах.

«Цяжкая сустрэча, часам пераходзілі нават на крык. І мы крычалі, і Качанава, пасля яна выбачалася.

Галадоўку не спыняем, бо канкрэтнага рэзультату няма. Качанава паабяцала ў бліжэйшы час даць пісьмовы адказ. Стала вядома, што новы законапраект ёсць, пра меншае пакаранне тым, хто ўжывае, але не гандлюе. Але некаторыя структуры не хочуць законапраект узгадняць. Мы так разумеем, што гэта Шуневіч, — распавяла Таццяна Канеўская.

—Качанава сказала, што заўтра ўсё Лукашэнку будзе дакладзена. Але наша сустрэча з Лукашэнкам немагчымая. Кажуць: „А навошта?“

Наконт перагляду тэрмінаў тым, каго ўжо асудзілі, нічога не адказалі».

Ліяна Шуба дадала:

«Надзея, што Лукашэнка нас прыме, усё ж ёсць, Качанава неўзабаве дасць адказ».

Улад Швядовіч
https://nn.by

Последние новости

Комментарии посетителей

Имя: не обязательно
E-mail: не обязательно
Комментарий:
  • #2103 03.05.2018 21:20 @ [ нет имени ]

    То есть мама,чей ребенок употреблял и или распространял наркоту, с помощью голодовки пытается изменить наказание онжеребенку? Тогда если мамы пострадавших или погибших от наркоты детей тоже устроят голодовку,как поступать ? А молится надо было не за смягчение наказания и сердца чиновников,а за деток своих,бестолковых,ставших на сомнительный путь быстрого обогащения и жизни только в кайф.

  • #2104 05.05.2018 07:07 @ [ нет имени ]

    Если отменят закон,родителям ,чьи дети были втянуты в это безобразие ,нужно браться за вилы и собственноручно уничтожать продавцов и распространителей.Да и этих мам голодающих.Пусть сидят ,на воле от таких нелюдей только вред.