haradok.info

Информационный портал

Социальные сети:

Новости Городка Общество

04.10.2020 17:55

666 просмотров

0 комментариев

Марш вызвалення палітвязняў — зноў больш 100 000 чалавек выйшла у 57-ы дзень пратэстаў, 4 кастрычніка, онлайн

Па ўсёй Беларусі праходзіць #пратэст у сувязі з масавымі фальсіфікацыямі вынікаў галасавання ў прэзідэнцкай выбарчай кампаніі. Людзі патрабуюць адстаўкі Лукашэнкі і ўраду, прызнання Святланы @Страна для жизни Ціханоўскай законным прэзідэнтам, а таксама вываду сілавікоў з гарадоў, зняцця з пасадаў кіраўніцтва #МУС і адказу сілавікоў перад законам за гвалт у дачыненні да грамадзянаў на мірных акцыях пратэсту.

Дзявяты надзельны марш адрозніваецца больш уважліваю падрыхтоўкай да яго абаронцаў дзейнай улады — сілавікоў і войска. Ужо апоўдні яны ачапілі стэлу на праспекце Пераможцаў. А затрыманні пачаліся яшчэ да старту акцыі беларусаў, якія патрабуюць новых справядлівых выбараў. У сталіцы праз марш не працуюць шэраг гандлёвых цэнтраў і рэстарацыяў. «Белсат» у жывым эфіры паказвае і каментуе падзеі 4 кастрычніка.

СМС і Вайбер-кантакт з рэдакцыяй +48 519 040 024.

17:32 Сілавікі пачалі разганяць калону, што рухаецца па вуліцы Кальварыйскай у бок метро «Пушкінская». За ёй пэўны час рухаўся дзясятак мікрааўтобусаў з сілавікамі.

Каля квартала «Каскад» сілавікі выйшлі з бусаў і пачалі хапаць людзей у хвасце калоны. Пратэстоўцы разбегліся ў двары.

Пратэстоўцы каля акрэсціна. Фота: t.me/bnkbel

17:15 У Менску калона пратэстоўцаў каля ізалятара. Яны крычаць «Выпускай!»

«Марш вызвалення» ў Менску. 4 кастрычніка 2020 года. Фота: ТК / belsat.eu

17:00 Калоны пратэстоўцаў у Менску ідуць па Нямізе, Цэткін і праспекце Прытыцкага.

«Марш вызвалення» ў Менску. 4 кастрычніка 2020 года. Фота: ТК / belsat.eu

16:40 «Вясна» паведамляе імёны 36-і затрыманых па ўсёй Беларусі. Сярод іх журналісты Аляксандр Уладыка, Кацярына Гардзеева, Вольга Камягіна, Надзея Пужынская, Алег Палішчук, Ксенія Пятровіч і іншыя.

«Марш вызвалення» ў Менску. 4 кастрычніка 2020 года. Фота: ТК / belsat.eu

Акцыі, апроч Менску, праходзяць сёння ў Бабруйску, Віцебску, Жодзіне, Жабінцы, Берасці, Горадні ды іншых гарадах.

«Марш вызвалення» ў Менску. 4 кастрычніка 2020 года. Фота: ТК / belsat.eu

16:20 У Менску галава найбуйнешай калоны дайшла да станцыі метро «Пушкінская».

«Марш вызвалення» ў Менску. 4 кастрычніка 2020 года. Фота: ТК / belsat.eu

16:13 Некалькі тысяч чалавек ідуць ад Гарадскога Валу па Кальварыйскай у бок «Кароны» па праезжай частцы.

«Марш вызвалення» ў Менску. 4 кастрычніка 2020 года. Фота: ТК / belsat.eu

Яны не даюць праехаць калоне вайсковай тэхнікі, якая вымушаная павольна рушыць за імі, бо аб’ехаць не можа.

«Марш вызвалення» ў Менску. 4 кастрычніка 2020 года. Фота: ТК / belsat.eu

16:06 Менскі пратэст сёння раздзелены на некалькі калонаў. Вось адна з іх:

16:00 У Менску супраць пратэстоўцаў прыгналі новыя вадамёты. У Віцебску сілавікі ўжылі слезацечны газ.

«Марш вызвалення» ў Менску. 4 кастрычніка 2020 года. Фота: ТК / belsat.eu

15:52 У Віцебску вызвалі журналістаў Таццяну Мацвееву і Сержука Серабро.

Амапавец стаіць на беларускім сцягу падчас «Маршу вызвалення» ў Менску. 4 кастрычніка 2020 года. Фота: ТК / belsat.eu

15:45 На Машэрава дэманстранты закідалі вадамёт камянямі. Пратэстоўцы раздзеленыя, некаторыя ідуць з праспекту Пераможцаў у напрамку Кальварыйскай і Нямігі, некаторыя па Раманаўскай слабадзе набліжаюцца да стэлы.

Удзельнікі «Маршу вызвалення» ў Менску. 4 кастрычніка 2020 года. Фота: ТК / belsat.eu

15:35 На Машэрава дэманстранты абступілі вадамёт, дасталі з яго кантэйнеры з каляровай вадкасцю і вылілі іх на дарогу. Пасля гэтага вадамёт зламаўся, ён бесперапынна ліе ваду ўгору фантанам і вымушана з’язджае пад улюлюканне пратэстоўцаў, перадае «Наша Ніва».

На Нямізе адбываецца хапун.

15:32 У Менску людзі выйшлі на Машэрава і рушылі ў бок скрыжавання з Ціміразева. Ідуць па праезнай часткі. Па Старажоўскай працягвае рушыць калона.

15:22 Дзясяткі тысяч чалавек занялі праезную частку праспекта Машэрава. Дэманстрантаў папярэджваюць з гукаўзмацняльнікаў, што забараняецца хаваць твар за маскай. Такога раней не бывала.

15:17 Калоны людзей у Менску сцягваюцца да Стэлы з усіх бакоў. Людзі ідуць ад Нямігі, па Старажоўскай, па Багдановіча, з боку Опернага тэатру і павяртаюць на праспект Пераможцаў. Каля Палацу Спорту супраць пратэстоўцаў уключылі вадамёт.

15:10 У Бабруйску, як паведамляецца затрымалі 50 чалавек — усіх, хто выйшаў на акцыю. Сярод затрыманых таксама журналісткі Марына Малчанава і Алеся Лацінская. Затрыманні пачаліся таксама ў Горадні, вядома прынамсі пра трох чалавек. У Віцебску затрымалі хлопца з бчб-сцягам.

З самае раніцы ў падтрыманне ўсіх, хто ідзе на сённяшні марш выказалася Святлана Ціханоўская.

«Кожны з вас выходзіць на пратэсты, у першую чаргу, за ўласную свабоду. Але сёння — марш за свабоду палітвязняў. Гэта людзі, якія, як Сяргей Ціханоўскі, не бачылі сям’ю і дзяцей ужо некалькі месяцаў. Гэта людзі, якія пацярпелі за свае перакананні — і пакутуюць дагэтуль. І наша задача — вызваліць іх. Таму я падтрымліваю кожнага, хто выйдзе сёння на вуліцу свайго горада. Хай увесь свет бачыць: беларусы хочуць жыць на волі, а не ў турме».

У сваёй заяве народная абранница таксама выказалася пра загінулага пасля побыту на Акрэсціна Дзяніса К.

«Страшна, што людзі гінуць, што іх забіваюць у засценках. Страшна, што іх смерць затуляюць відавочнай хлуснёй. Страшна, што ў турмах Беларусі дагэтуль знаходзіцца велізарная колькасць людзей, кінутых туды за тое, што асмеліліся змагацца за свабоду».

14.50 У Віцебску і іншых гарадах таксама натоўпы ідуць на акцыі, прымеркаваныя вызваленню палітычных вязняў.

Людзі ў Віцебску скандуюць «Свабоду палітвязням». Фота belsat.eu

14.45 Аўтазакі стаяць і каля музычнага тэатру ў сталіцы.

Каля ГЦ «Мега» ў Віцебску затрымалі журналістаў TUT.by і «Народных навінаў Віцебску». Фота Belsat.eu

14.35 Каля ГЦ «Мега» ў Віцебску затрымалі журналістаў TUT.by і «Народных навінаў Віцебску».

14.20 Віцебскіх журналістаў Таццяну Матвееву, Алеся Пілецкага і Сержука Серабро вязуць у Першамайскі РАУС пакуль толькі дзеля праверання дакументаў паведаміў па тэлефоне Сяржук Серабро.

14.00 Беларусаў, якія ідуць на «Марш вызвалення палітвязняў» у раёне стэлы «Менск — горад-герой» чакаеа вайсковая бронетэхніка і вадамёты. Каля палацу Незалежнасці стаяць БТР-ы. Частка аўтазакаў запаркаваныя каля Купалаўскага тэатру.

13.50 Закрытыя шэраг станцыяў сталічнага метро. У прыватнасці, «Плошча Перамогі», «Кастрычніцкая», «Плошча Леніна».

13.30 У Менску на праспекце Машэрава ціхары спыняюць мінакоў і пасля праверкі дакументаў. Фіксуюць усё на камеру, праводзяць тлумачальную гутарку.

ЮЦ Belsat.eu

Последние новости