haradok.info

Информационный портал

Социальные сети:

Новости Городка Политика

16.08.2018 15:20

2918 просмотров

0 комментариев

Кіраўніка віцебскай абласной арганізацыі ЛДПБ і яго намесніка затрымалі за махлярства ў асабліва буйным памеры

Следчы камітэт пацвердзіў затрыманне старшыні Віцебскай абласной арганізацыі ЛДПБ Сяргея Ярмыкіна.

Як паведамляе БелТА, расследуецца крымінальная справа аб махлярстве, здзейсненым групай асобаў, у асабліва буйным памеры.

Сяргей Ярмыкін (другі справа, з георгіеўскай стужкай) разам з аднапартыйцамі. Фота: ldp.by.

Чатыры фігуранты справы — Ярмыкін, яго намеснік па абласным аддзяленні ЛДПБ, беспрацоўны мужчына і жанчына, якая працуе дырэктарам таварыства з абмежаванай адказнасцю.

Як мяркуе следства, у 2017 годзе падазраваныя прынялі ад былога дырэктара Аршанскага авіярамонтнага завода $8 тысяч, калекцыю памятных манет з золата і срэбра, а таксама ювелірныя вырабы агульным коштам каля $20 тысяч.

Яны нібыта абяцалі «вырашыць пытанні» і змякчыць пакаранне дырэктару, хоць ніяк не маглі паўплываць на сітуацыю. Таго былога дырэктара, дарэчы, ужо пасадзілі на 4 гады ўзмоцненага рэжыму з канфіскацыяй маёмасці.
https://nn.by


Чытайце таксама

Сілавікі затрымалі намесніка старшыні ЛДПБ
https://nn.by/

Последние новости