21 мая ў 15:15 ратавальнікам паступіла паведамленне аб выяўленні патанулага мужчыны ў Дзвіне ў вёсцы Будыслова Віцебскага раёна. Работнікі МНС дасталі з забалочанага ўчастка ракі цела 45-гадовага беспрацоўнага мужчыны.
У той жа дзень увечары ў 21:50 ім паступіла паведамленне аб выяўленні патанулага мужчыны ў штучным вадаёме каля чыгуначнай станцыі "Забалотка". Там ратавальнікі з сажалкі дасталі 73-гадовага пенсіянера, паведамляецца прэс-службай МНС.
