haradok.info

Информационный портал

Социальные сети:

Новости Городка Происшествия

30.09.2016 09:20

2106 просмотров

0 комментариев

Жыхар Гарадка мае непасрэднае дачыненне да гучнага забойства бізнесмена з Віцебска

Труп віцебскага бізмесмена знайшлі ў Шумілінскім раёне, але яго аўтамабіль і асабовыя рэчы разам з прыладай забойства знайшлі ў гаражным кааператыве «Гагарынец» на тэрыторыі . Гарадка.

Цела мужчыны з колата-рэзанымі ранамі знайшлі ў кустах на абочыне дарогі побач з вёскай Хрыпкі Шумілінскага раёна, паведамляе ўпраўленне СК па рэгіёне.


Следчыя высветлілі асобу забітага — гэта 33-гадовы жыхар Віцебска, намеснік дырэктара адной з фірмаў горада. Напярэдадні вечарам ён паехаў на сваёй BMW X5 ў Гарадок, каб купіць нерухомасць як прыватная асоба. Дадому мужчына не вярнуўся, і сваякі звярнуліся ў міліцыю.

Па падазрэнні ў здзяйсненні злачынства затрыманы 34-гадовы, несудзімы жыхар Гарадка. З ім працуюць следчыя. Падазроны быў непасрэдна датычны да заключэння здзелкі, паведамляе БЕЛТА са спасылкай на начальніка УСК па вобласці Уладзіміра Шалухіна.

Знайшлі і аўтамабіль загінулага — ён знаходзіўся ў гаражным кааператыве Гарадка. Замест сапраўдных нумароў на машыне былі транзітныя нумары Расійскай Федэрацыі. У гаражы таксама выявілі сапраўдныя нумарныя знакі, асабістыя рэчы забітага, залатыя ўпрыгажэнні, дакументы, прыладу злачынства — штык-нож.

Нагадаем таксама, што 26 верасня ў Беразіно Мінскай вобласці ў абгарэлай машыне знайшлі цела мясцовага бізнэсмэна. Паводле неафіцыйнай версіі, ён быў забіты з агнястрэльнай зброі.

Л. Антонаў

Інфармацыя і фота паводле сайта: http://sk.gov.by

Последние новости