haradok.info

Информационный портал

Социальные сети:

Новости Городка Происшествия

11.04.2018 17:11

2704 просмотра

6 комментариев

На гэтым тыдні Гаражанка дасягнула свайго найвялікшага разліва

10 красавіка Гаражанка ў межах Гарадка дасягнула найвялікшага разліву , спыніўшы рух праз пешаходны мост да СШ № 2 г. Гарадка, рух па вул. Зялёнай і на бас-востраў ля лыжаролернай трасы.

З пасхальнай нядзелі пад’ём вады ў рацэ Гаражанцы імкліва дасягнуў свайго максімума. Першымі гэта адчулі вучні і настаўнкі СШ№ 2, якія праз пешаходны мост зараз не могуць прайсці з цэнтра ў навучальную установу і вымушаны ўжо каторы дзень рухацца праз галоўны мост райцэнтра.

Гаражанка шырока разлілася і каля вул. Галіцкага каля старага маста, дзе маецца з’езд на вул. Зялёную. Гэта вуліца зараз таксама адрэзана ад цэнтра.

Воды Гаражанкі нясуць свае патокі і на возера Лугавое, якое хутка вызвалілася ад лёду. Падняцце ўзроўня вады ў азёрах Лугавым і Арэхавым прывяло да спынення сувязі з бас-востравам, які з лыжаролернай трасай злучаецца пешаходным мастом. Але вялікая вада не пужае сямейку лебядзяў, што займаецца сваімі справамі.

Сёлятні ўзровень вады не найвялікшы за апошнія гады, калі Гаражанка падтаплівала дамы і па вул. Зарэчанскай і па вул. Галіцкага. І хутка наша рэчка верне воды ў свае берагі, бо моцных дажджоў не прагназуецца.

Л. Антонаў

Последние новости