haradok.info

Информационный портал

Социальные сети:

Новости Городка Происшествия

23.04.2019 14:38

783 просмотра

0 комментариев

Памёр віцебскі дэсантнік, якога траўмавалі вайсковай машынай. Заставалася служыць 20 дзён

У Віцебску 23 красавіка памёр Віктар Калачынскі, якога напярэдадні траўмавалі ў вайсковай частцы машынай, піша Міністэрства абароны.

Калачынскі памёр у Віцебскай больніцы хуткай мэдыцынскай дапамогі. Пасьля здарэньня ён знаходзіўся ў рэанімацыі.

Міністэрства абароны выказала спачуваньні сваякам і блізкім памерлага і паабяцала аказаць ім усю неабходную дапамогу.

Што адбылося?

Паводле Міністэрства абароны, у віцебскай 103-й асобнай паветрана-дэсантнай брыгадзе адзін з салдатаў тэрміновай службы парушыў правілы эксплюатацыі аўтамабільнай тэхнікі. У выніку ягонага саслужыўца «прыдушыла машынамі», пісаў тэлеграм-канал Nexta.

Мінабароны пачало праверку па факце здарэньня. Радавы, які быў за рулём машыны, пасьля здарэньня знаходзіўся ў вайсковай частцы.

Заставалася служыць 20 дзён

Да дэмабілізацыі Калачынскаму заставалася 20 дзён, напісаў Свабодзе яго саслужывец. Ён праслужыў у войску амаль 1,5 года.

Пасьля першага паўгоду службы Калачынскі служыў кіроўцам ва ўзводзе забесьпячэньня.

«Ён быў вясёлым, жыцьцярадасным, адказным», — напісаў саслужывец Калачынскага.

Паводле саслужыўцаў, канфліктаў на службе ў Калачынскага не было.

«Ён з усімі ўмеў дамаўляцца. А калі і былі б [канфлікты], у войску гэтага не схаваеш, праверкі па некалькі разоў на дзень», — паведаміў саслужывец.


Гэта ня першы выпадак траўмаваньня салдатаў у 103-й гвардзейскай паветрана-дэсантнай брыгадзе за апошні час.

У сьнежні 2018 году старшы сяржант Аляксей Раманенка загадаў малодшым па званьні перакуліцца праз мэталічную агароджу, аднаго зь іх ударыў нагой, другі салдат падчас куляньня зламаў ключыцу. Інфармацыю пацьвердзілі ў Міністэрстве абароны. Крымінальную справу супраць Раманенкі завялі сёлета ў лютым.

Фота ілюстратыўнае

https://www.svaboda.org

Последние новости