haradok.info

Информационный портал

Социальные сети:

Новости Городка Происшествия

04.01.2020 13:34

407 просмотров

0 комментариев

У Польшчы выявілі новыя ачагі птушынага грыпу на мяжы зь Беларусьсю, ад якога толькі за дзень памерла 25 тысяч індыкаў

Вэтэрынары Любанскага ваяводзтва выявілі сем новых ачагоў вірусу птушынага грыпу штаму H5N8, паведамляе TVP. Вірус знайшлі ў польскіх вёсках Ізьбіца і Жулкеўка, што ў Краснастаўскім павеце Любартаўскага ваяводзтва — на поўдзень ад першых ачагоў вірусу.

Раней яго выявілі на фэрмах у польскай вёсцы Стары Ўсьцімаў у Любартаўскім павеце, што за 43 км ад мяжы зь Беларусьсю і за 82 км ад Берасьця, а таксама ў Вялікапольскім ваяводзтве (у цэнтры краіны) — тады за адзін дзень памерлі ня менш за 25 тысячаў індыкоў.

ГЛЯДЗІЦЕ ТАКСАМА:

На фэрмах Польшчы выявілі птушыны грып. Беларускія вэтэрынары напагатове

Ці зьвязаныя новыя выпадкі птушынага грыпу з выяўленымі ў Старым Усьцімаве, пакуль не высьветлена. Галоўны вэтэрынарны лекар Польшчы Богдан Канопка заспакойвае: з хваробай разьбіраюцца неадкладна, досьвед падобнай барацьбы ёсьць, працэдуры ўжо распачатыя. Колькі птушак памерла і колькі давядзецца зьнішчыць, не ўдакладняецца.

Лічыцца, што штам вірусу H5N8, выяўлены ў Польшчы, не пагражае людзям (у адрозьненьне ад H5N1, ад якога ў 2003–2017 гадах памерла ня менш за 450 чалавек). Лекары, тым ня меш, адзначаюць, што вірусы могуць перажыць мутацыі, таму рэкамэндуюць палякам часта мыць рукі пасьля кантакту з птушкамі, не ўжываць птушынае мяса без тэрмічнай апрацоўкі.

https://www.svaboda.org/a/30359777.html



Последние новости