haradok.info

Информационный портал

Социальные сети:

Новости Городка Спорт

04.03.2023 10:06

806 просмотров

0 комментариев

Наша Настасся Кінунен паспяхова выступіла ў спрынтарскай гонцы на этапе Кубка свету па біятлону ў чэшскім Нова Мяста

3 сакавіка стартаваў апошні трыместр жаночых біятлонных спаборніцтваў на Кубак свету ў Чэхіі. Упершыню у сезоне наша зямлячка Настасся Кінунен, родам Дубарэзава, закрыла усе мішэні і трапіла ў 20-ку мацнейшых. Малайчына!

Учора ў аматараў біятлону Беларусі быў прыемны дзень ад паспяховага старту нашай гарадоцкай спарсменкі Настассі Кінунен, якая зараз выступае за зборную Фінляндыі. Маючы 74 стартавы нумар, Настасся зрабіла маленькі для сябе і фінскай каманды цуд — закрыла ўсе мішэні на лёжцы і стойцы! Гэта дазволіла ёй на фінішы заняць высокае 20- месца, адстаўшы ад першага месца на 1.20.

Пры гэтым яна паказала лепшы вынік сярод жанчын фінскай сборнай, выйграў і ў Суві Мінкенен 4 секунды, якая стала 21-й і ў Марі Эдэр з яе 53 месцам. Лепш Настасся выступіла толькі ў першай гонцы гэтага пасляковіднага сезону — індывідуалцы на 15 км. Тады ў амаль цяпер родным фінскім Канціялахці яна была 18-й пры адным промаху.

Упершыню у сезоне першыя месцы ў спрынце занялі нарвежкі Марта Ройселанд — першая, Інгрыд Тандрэволд — другая, а францужанка Анаіс Шэвалье-Бушэ — трэццяя. Лідэр сезону Джулія Сімон — дзевятая. Беларуска Дар’я Блашко пры бездакорнай стральбе з невялікай хуткасцю на 43 месцы.

Сёння заўзятараў біятлону чакаюць пасьюты ў мужчын у 15.50 і галоўны жаночы ў 17.45. Пажадаем нашай зямлячкі годна выступіць у гэтай звыш напружанай кантактнай гонцы з найменшымі стратамі на агнявых рубяжах!

Ды наогул добрага фініша ў гэтым сезоне! Наша зямлячка таго варта!

Глядзець трансляцыю гонак магчыма на Еўраспорце — 1 або на сайце Міжнарорднай федэрацыі біятлону: biathlonworld.com

Лявон Гаравы

Фота з Фэйсбука: https://www.facebook.com/kinnunenana

Последние новости