haradok.info

Информационный портал

Социальные сети:

Новости Городка Экономика

19.04.2017 13:32

431 просмотр

0 комментариев

У Гарадоцкім раёне па вакансіях зараз найбольшая патрэбнасць у падборшчыках камянёў

Паводле дзяржаўнай службы занятасці Рэспублікі Беларусь у Гарадоцкім раёне маецца вольных 306 працоўных месцах. З гэтых працоўных месцаў самая вялікая патрэбнасць на часовай працы для падборшчыкаў камянёў, якіх зараз патрабуецца 75 для трох арганізацый.

Кепская сітуацыя з рынкам працы вымушае дзяржаўныя службы адносіць да існуючых вакансій такія віды працы, якія раней лічыліся вартымі беспрацоўных і «шэфскай» дапамогі прадпрыемстваў вяскоўцам. Гэтай вясной такой «прафесіяй» стала праца па падборцы камянёў з палеткаў Гарадоцкага раёна. На сёння Гарадоцкай птушкафабрыцы, свінакомплексу «Паўночны» і КУСГП імя Дзімітрава патрабуецца 75 падборшчыкаў камянёў, пры гэтым для КУСГП імя Дзімітрава патрабуецца 55 падборшчыкаў. Патрабаванні да адукацыі мінімальныя — дастаткова базавая адукацыя, а за месяц працы прапануецца заробак ад 265 рублёў. Відавочна, што гэта праца патрэбна толькі да першай касавіцы, якая пачынаецца ў чэрвені.

Зыходзячы з абавязкаў бюджэтных арганізацый паказваць свабоднымі вакансіямі працу па сумяшчальніцтву, то ў Гарадоцкім раёне такіх вольных месцаў найбольшая колькасць у аддзеле адукацыі, спорту і турызму — больш 30 і менш прапануе аддзел па ідэалогіі, культуры і працы з моладдзю — каля 20. У гэтых арганізацыях маюцца вакансіі пераважна на 0,25-0, 5 стаўкі з базавым заробкам ад 66,25 рублёў да 132,5 рубля за месяц працы.

Самы ж вялікі заробак па існуючых вакансій прапануе філіял «Віраўлянскі» канцэрна «Дзецкасельскі» для аператара штучнага асемянення жывёл для асобаў з сярэне0спецыяльна йадукацыяй, якія маюць 8 разрад — ад 950 рублёў. Ды і на іншыя вакансіі гэта працадаўца прапануе заробкі вышэйшыя, чым у іншых сельгаспрадпрыемствах Гарадоччыны: аператар машыннага даення — ад 400, жывёлавод — ад 450руб., трактарыст— машыніст — ад 500. Пры гэтым гэтыя заробкі ў адрозненні ад большасці сельгасарганізацый раёна выплачваюцца сваечасова.

Варта адзначыць, што абсалютная большасць вакансій прадстаўлена за апошні месяц, нязначная колькасць маецца са студзеня-лютага і толькі дзве вакансіі ад Гарадоцкай інспекцыі па падатках і зборах былі падазены напрыканцы снежня мінулага года.

Леанід Гаравы

Паводле: http://gsz.gov.by
1 оценка 5.0

Последние новости

Комментарии посетителей

Имя: не обязательно
E-mail: не обязательно
Комментарий:
  • список комментариев пуст